{ SKIP }
文:MenClub Mean娜  圖:互聯網
POSTED ON 31 Jul 2017
日本係一個「男尊女卑」嘅國家就係人都知,唔少香港男士睇日劇或者日本愛情動作片,見親啲日本妹幾乎都係嗲聲嗲氣,鬼咁溫柔,唔似得香港女仔咁講嘢硬弸弸,實在葡萄到不得了。但其實好多嘢都係隔離飯香,日本有個電視節目就提及近年日本嘅老公被老婆家暴嘅情況日益嚴重,你又估唔估到睇落咁柔弱嘅日本妹原來可以咁狼死先?



日本TBS電視台一個新聞討論節目「新・情報7daysニュースキャスター」,最近就以「受暴丈夫」為主題,探討近年日本男性受家暴嘅情況逐漸上升,專家就分析,老婆家暴丈夫嘅一般而言以「言語暴力」為主,通過辱罵嘅方式去否定老公,例如鬧老公搵唔到錢之類。唔好以為得把口講就唔算暴力,語言所造成嘅傷害都可以好深,足以殺死人,根據媒體調查,呢啲被欺壓嘅老公試過由朝到晚都畀老婆鬧,鬧完再直接返工;有啲就被老婆趕出家門,唯有露宿街頭;有的甚至一日淨係得100日元零用錢,連飯都食唔到,種種欺壓行為就算冇拳打腳踢,都算係家暴嘅一種。



更可怕係,有時鬧慣咗之後,老婆會變本加厲,忍唔住出埋手打人,演變成肢體上嘅暴力行為。但就算個老公畀老婆家暴,好多時都基於日本「男尊女卑」嘅社會標準,唔敢向外界透露自己被老婆欺壓,到最後更患上抑鬱等等情緒病。所以唔好以為做個日本大男人好幸福,其實佢哋同香港男人都一樣咁辛苦架……


作為旁觀者睇見《復仇者聯盟3》個Ending死咗咁多英雄都咁愁,更何況係戲中英雄們嘅好友呢?
gags
睇見都心痛 《復仇者聯盟3》之「想念英雄」插畫
22 Jun 2018
韓國有位繪師「청재팡인」就將個人對不同汽車品牌嘅印象加以擬人化,根據汽車品牌嘅感覺,畫出不同類型嘅男士,巴打們又覺得Match唔Match先?
gags
BMW似花花公子?繪師筆下的汽車品牌擬人版!
21 Jun 2018