{ SKIP }
圖:互聯網
POSTED ON 02 Oct 2017
每個月有幾日女朋友都會變得特別難頂,一邊呻M痛仲要一邊發你脾四,奈何男人冇子宮,根本唔知M痛有幾痛,唯有問句︰「你有冇事呀?」、「要唔要飲杯熱水呀?」……但對於呢啲「講完好似冇講」嘅廢話,女朋友只會發多幾錢重脾四。唔想再畀個臭西……梳,我指臭四女朋友當狗咁鬧,作為男友,呢啲時候,有咩應急方法呢?有網民就列出一系列應對守則,就咁睇,應該係最尾嗰點會最work。


1. 除咗問「痛唔痛」之外,可以多啲同理去氹下佢︰「乖,係咪好唔舒服呀?」、「睇你個樣一定好唔舒服,不如瞓喺度休息下?」


2. 與其叫佢飲水,不如自己快手快腳煲定啲桂圓紅棗茶、生薑糖水,又或者準備定止痛藥畀佢。


3. 自動自覺幫佢準備熱水袋或者暖包放喺肚上面。


4. 如果手頭上咩都冇,咁就畀佢一個warm hug又或者將對手搓熱,幫佢敷住個肚。


5. 如果佢仲有心情,就講下笑話氹佢開心,但注意唔好引佢大笑,因為一大笑佢就會痛死……


6. 如果女友叫你收聲唔好煩佢,咁你就默默地喺佢視線範圍內等候,隨時聽候佢差遣。


7. 女友M到時任何情況下都唔好激嬲佢,要放低姿態,盡可能遷就下佢。


8. Download記錄經期嘅APP,提醒女友月經前唔好食凍嘢。


9. 打自己嘅蛋蛋陪女朋友一齊痛。


10. 唔好要女朋友,搵過個男朋友。


最近「庄司二号」就畫咗一系列超性感女版咸蛋超人,雖然一系列都係超人樣,但個個都波大腰幼身材正,仲有分唔同類型唔同個性添!
gags
咩類型都有 超性感女版咸蛋超人
17 Jan 2018
唔少攝影師都會喺日本取材,而東京攝影師ヤコー就同樣喺日本影咗唔少相,但特別之處在於,佢影嘅相都有一種超現實嘅感覺,好似動畫咁。
gags
不一樣的日本 東京攝影師ヤコー的動畫風相片
11 Jan 2018