{ SKIP }
文:MenClub Mean娜  圖:互聯網
POSTED ON 03 Nov 2017
成日都聽人話,兩個人喺埋一齊最緊要坦誠相對,但事實係我哋都知道,更坦白都好,有啲敏感話題係我哋隻字都不敢提,可能男人會覺得︰挑?!有咩好淆,想問咩想講咩咪直接啲囉!嗱!即係咁,你都唔會兜口兜面話你條女下面闊過西隧啦係咪先?你都唔會咁厚顏無恥問你條女覺得你大唔大兜掛?作為女朋友,其實一樣好多嘢心思思好想知,但又怕聽到答案會令自己受傷害而唔敢問。日本網站googirl就做咗一個調查,睇吓女女們拍拖時有咩唔敢問男朋友嘅問題︰


「對自己素顏嘅感覺」

基本上除非個女仔冇化妝嘅習慣,或者你同個女仔由細識到大,如果唔係都幾難得見到對方素顏嘅一面。話晒化妝就係希望令自己睇落靚啲,如果真係同素顏完全冇分別,咁啲女人都唔需要化妝啦,That's why女人要對住男友落妝時多少都有啲壓力,就算自問素顏個樣都見得下人,都會擔心男友會唔會接受唔到自己素顏個樣,即使男友睇完自己素顏都表現得冇咩嘢,心入面多少會想知道,佢認為自己唔化妝時個樣O唔OK。



「同前女友關係如何」
呢點可能有啲男士都會在意︰究竟自己另一半而家同佢哋嘅Ex關係點呢?仲有冇聯絡呢?定係Keep住朋友關係呢?關於Ex嘅嘢,不論男女都好,似乎都唔係一個太容易問出口嘅話題,一來自己都唔希望令對方勾起對Ex嘅回憶,二來又怕多口問,另一半會覺得自己疑心重,唔信任佢。不過話晒係同另一半有過親密關係嘅人,就算係得好少資訊,多少都會想八卦問下。



「對自己身體有咩睇法」
男人可能都會好想知,究竟自己副計喺女朋友眼中值幾多分,女人其實都一樣,想知男友點睇自己嘅身體︰會唔會覺得個胸唔夠大?會唔會覺得肚腩好多肉?會唔會覺得皮膚唔夠滑?雖然好似只係好小事,但唔少女仔都會羞於問出口。



「對未來有咩諗法」
有時大家喺埋一齊,可能只係當下感覺好好,未Ready plan好長遠嘅事,但唔少女士都對婚姻充滿憧憬,一齊冇耐已經希望同另一半詳細咁計劃未來嘅藍圖,但好多時候,察覺到男方未有心理準備甚至未諗要結婚,都唔知問唔問好,驚問出口人哋以為自己想迫婚,嚇親人就仲衰。



「對自己嘅烹飪技術有咩感覺」

條女煮嘢食畀你,10個男人10個都實話好味,女人都深知呢啲係必要嘅台詞。但有時候,佢哋心底裡都想聽一個真正嘅答案,想知你係咪真係鍾意食佢煮嘅嘢,話晒知自己衰咩先有進步空間,留得住男人嘅胃,不過男友都講到明話好味,再追問落去似乎又會好煩咁。

日本繪師しゃぽこ咁~しゃぽこ最近就忽發奇想,發明咗幾個巨乳表現方式嘅名詞,順便問問大家鍾意邊種,你又點揀呢?
gags
日本新名詞︰「乳袋」、「乳帳」和「乳簾」
22 Nov 2017
按摩期間乜真係會有人想傾偈咩?!
gags
日本超詭異打工 按摩床下陪吹水
21 Nov 2017