{ SKIP }
文:MenClub Mean娜  圖:互聯網
POSTED ON 14 Nov 2017
朝朝早起身返工都係一種意志力嘅磨練,唔係為咗份糧的話,究竟有幾多人真係可以堅持到日日早起9衝返公司吖?一個唔覺意意志力不足,就會遲到gg了,呢個時候,究竟點解釋你遲到原因係最容易令人聽得入耳呢?日本就有網站做過調查,訪問500位以上上司,睇下佢哋認為點嘅遲到原因(藉口)最吹你唔漲要迫住接受,當中呢三個原因,算係最容易令人信服,下次遲到時,就要好好善用呢三個藉口喇。

屋企人身體唔舒服

比如老婆仔女病咗、老竇老母整親等等,呢啲理由都比較容易令人感同身受,話晒冇人會希望自己屋企人有事,突如其來屋企人有難嘅話,都只可以講句冇辦法,就算返工都要照顧咗屋企人先。


詳細講明自己病況
話自己唔舒服相信係最多人常用嘅方法,不過單單講句自己感冒、發燒,並冇足夠嘅說服力!最好將症狀講得清楚詳細啲,比如又痾又嘔、腳軟無力、標晒冷汗等等,去博取同情,知道你咁慘,上司都唔好意思繼續怪你。


誠實表示自己瞓過龍
其實作為上司,真係冇咁多時間聽你9吹故仔,倒不如直接了當承認自己瞓晏咗,佢好辦事之餘又覺得你誠實,不失為兩全其美嘅方法。


「遮紋身噴漆」唔單止可以完美遮蓋紋物,仲要大力擦都擦唔甩,可以Keep成3日都冇問題!
gags
擦都擦唔甩 日本發明完美遮紋身噴漆
07 Sep 2018
「兔耳護士史庫水」(ウサミミナーススク水)以護士服上衣+學校泳衣+護士帽+兔耳+兔尾巴5個組合為一套,非常可愛!
gags
萌度爆燈!VILLAGE VANGUARD開賣「兔耳護士史庫水」
06 Sep 2018