主動幫手
去人哋屋企做客，為咗表示你係一個有禮貌嘅人，最好都係開口問下有咩要幫手，畀個好印象另一半嘅父母。

讚伯母嘅廚藝
就算係客套說話都好，有邊個唔鍾意畀人讚，如果伯母親自下廚，多少都要讚下對方手勢。

要有禮貌
邊個父母會唔鍾意有禮貌嘅人？正所謂「禮多人不怪」，呢啲時候做多實好過做少。

見面前向另一半探定口風
見人家長最怕就係講錯嘢又或者DEAD AIR，所以去拜訪之前，最好向另一半探定口風，睇下到時有咩講得，有咩唔講得。

一定要討好媽媽
話就話爸爸係屋企嘅一家之主，不過其實真正嘅大佬係媽媽就真……（好似係）

帶禮物去見人
去拜訪世伯伯母，兩手空空邊似樣，多少都帶份禮物去見下人好啲。

投入對話
而家個個都係低頭族，玩少一陣電話都唔得，不過見家長時，一定要忍住唔好係咁玩電話，要盡量投入對話，仲要多啲眼神接觸添。

唔好飲太多
開心時通常都會飲返杯，不過記住唔好過晒火飲太多，以免人哋父母以為你係個酒鬼唔識節制。

唔好曬恩愛
就算你同另一半幾SWEET都好，要記住你女朋友始終係人哋個女，你喺人哋父母面前係咁搞住人哋個女，成件事幾咁尷尬。

表現出你想了解佢哋
去人哋屋企做客，唔好過於生保，好似唔想同佢哋接近咁，多啲參與話題，積極融入圈子，表現出你好想了解佢哋更多，想同佢哋成為一家人咁。