{ SKIP }
文:米  圖:互聯網
POSTED ON 09 Jul 2018

《為美好的世界獻上祝福!》(日語:この素晴らしい世界に祝福を!)係由曉夏目著作、三嶋黑音負責插畫嘅日本輕小說作品,並於2016年1月改編成電視動畫版喺日本開播。

《為美好的世界獻上祝福!》故事講述主角佐藤和真喺某次意外中死亡,而負責管理日本意外死亡青少年嘅水之女神阿克婭表示,某個異世界正受到魔王軍肆虐、人口大量減少,假如和真願意轉生到該世界嘅話,和真就可以受到保留記憶、帶走一樣額外神裝或技能等嘅優待。但和真受不了阿克婭嘅冷嘲熱諷,所以喺轉生前選擇唔帶走任何神裝而帶走阿克婭,於是阿克婭唯有幫手打倒魔王,先可以回到原本嘅職位。後來被當成冒險者送到異世界嘅和真,同精進於宴會才藝嘅阿克婭、每日限定一發爆裂魔法嘅紅魔族少女惠惠、命中率0被打反而會有快感嘅抖M爆乳美女達克妮絲呢行人結伴,喺異世界為獲得安定生活而努力。

而近日官方就宣佈,《為美好的世界獻上祝福!》將改編為動畫電影,聲優仲係原班人馬上陣,由節操社「J.C.STAFF」負責動畫製作,不過暫時未知幾時會開播,其他消息都仲未釋出,粉絲們要再等下先喇!

「遮紋身噴漆」唔單止可以完美遮蓋紋物,仲要大力擦都擦唔甩,可以Keep成3日都冇問題!
gags
擦都擦唔甩 日本發明完美遮紋身噴漆
07 Sep 2018
「兔耳護士史庫水」(ウサミミナーススク水)以護士服上衣+學校泳衣+護士帽+兔耳+兔尾巴5個組合為一套,非常可愛!
gags
萌度爆燈!VILLAGE VANGUARD開賣「兔耳護士史庫水」
06 Sep 2018