起來！不願做觀音兵的人們！

文：MenClub Mean娜　　圖：互聯網
POSTED ON 17 Mar 2015

正所謂「有頭髮邊個想做癩痢」，同一道理，「有女邊個想做觀音兵」。可惜香港太多冇女嘅毒L，而又咁啱香港好多唔錯嘅港女，造成「一_多_」的現象。（你以為係一后多王？Sor9ry，係一娘多兵至真）畀仔圍實係爽皮，所以俗語先有句「條女很清楚收兵好過嫁人」。不過如果你唔自甘墜落去做兵，又邊嚟咁多娘娘呢？而家就教你「不淪落成觀音兵的五大不要守則」，睇吓幫唔幫到兵仔你脫苦海。

1.不要亂花錢送貴嘢畀女仔唔等如可以得到對方歡心，只會助長對方的虛榮心。真正的好女孩會明白，唔應該收太貴重的禮物，只有拜金女先想利用你不斷送禮物畀佢。另外約會時，最好都係AA制。因為你盲目付出金錢，而又追唔到對方，只會被對方當成觀音兵，連朋友都不如。簡單而言，最好講心唔講金。
2.不要過份溫柔當正自己係男朋友咁，對對方過份溫柔體貼，反而會令對方感覺唔自在，甚至覺得嘔心，心諗︰你以為自己係邊個。時刻提醒自己，目前關係只係普通朋友。
3.不要過份在乎對方男生如果懷著一個「冇咗佢唔得」的心態，成為一個隨傳隨到，做咩都肯的男人，反而會令女生睇唔起自己，覺得呢個男生毫無尊嚴，只配當自己的玩具。要明白人係犯賤，你越在乎，對方就因覺得冇刺激感而對你冇興趣，所以你要學會瀟灑，呢種壞男生特質反而能吸引女生。
4.不要太煩好多時香港男生同女生SEND訊息時，只要女生稍為不回，男生就會不安，係咁問︰「忙緊？」、「有冇阻住你？」、「嬲？」等等問題，反而令對方覺得你好煩。當你追女生時，可以每日都聊天，但千萬唔好追問對方。
5.不要任勞任怨男生幫女生，係應份的。但千祈唔好接受女生任何無理要求。幫人前要經考慮，否則只會被女生利用，當你係提款機或者阿四。