意大利粉（Spaghetti），好易整，一大煲滾水，十分八分鐘就有得食，加埋而家好多即食醬汁，就算O.T.到十一、二點番到屋企，都可以有餐「住家菜」食，唔使吓吓「I'm loving it」。仲有，同honey周末或星期日「晨光第一戰」之後，肚空空，作為男士，如果煮番個無敵愛心意粉，喺床邊餵honey食，包你冧死女。

煮意粉，好似簡單，但要彈牙唔太軟身，其實幾高技巧，高技巧，不代表呢世都煮唔到，埋嚟話你聽。

坊間有不少秘技，聲稱可以煮出「Al dente」意粉（Al dente是意大利語，餐飲業人士認為Al dente，大概就是意粉煮好後，圓心應仍有輕微韌度，該部份約相等於一條頭髮的厚度，咁就為之「very骨」），方法包括中國人最鐘意嘅「過冷河」、加橄欖油等等。對烹飪稍有研究嘅兄弟，一睇就知邊樣係堅，邊啲係伏，睇埋下文就知你有冇犯過煮意粉的致命錯誤嘞。

有啲兄弟錯晒step，煮好意粉先加熱醬汁，哈哈，到啲汁熱嘞，意粉已凍晒、乾晒（尤其冬天）

意大利人認為意粉要煮至外面軟、圓心中央有啲啲半生熟，食落先夠彈牙。好多人為追求呢種口感，各施其法，其實，大家都係GD 5 GD。

謬誤1︰經常攪拌意粉防止黏鍋
為了防止意粉黏鍋，不少人慣性攪拌意粉，結果容易攪爛意粉。根據《La Cucina Italiana Encyclopedia of Italian Cooking》一書，只要雙手握住意粉，然後手掌朝相反方向轉動，讓意粉旋轉散開，再放入沸水中煮，就可以讓意粉在水中自然散開，防止黏在一起。（如下圖）

建議烹調「Al dente」意粉方法︰

1.留意意粉成份
市面上的意粉牌子多不勝數，優質的意粉主要成分為硬粒小麥粉（semolina）。另外根據意粉包裝說明，意粉所需煮食時間愈久，代表意粉質地愈好。

3.唔好慳水
以1人份量計，煮意粉的最佳比例為：2.5公升至3公升水、250g意粉、15g鹽。煮意粉時應使用高身大煲，水的高度要蓋過全部意粉，令每條意粉都能浸泡在水內，同時每條意粉都要有足夠空間在水中打滚。據部份歐洲五星級酒店主廚表示，想意粉「爽身」，關鍵在於「唔好慳水」，以為落少啲水，快啲水滾，快啲有得食，計得咁縮骨，只會增加意粉「黐埋」機會。

煮好意粉，如何測試意粉的軟硬度剛剛好？除了試吃以外，也可在煮了約5至6分鐘時，拾起其中一條咬開一半，如果橫切面有一小白色圓點（細細點就夠），即代表已達最佳軟硬比例。

《伙頭智多星》（台灣東立出版漫畫為《妙手小廚師》）第2集「意大利麵的做法」裏面，川田飲食集團（又稱味皇料理會）意大利菜部主管丸井善男教路，當覺得煮意粉的時間已差不多，撈一條用手指輕捏，再用牙咬，覺得圓心好似內有一條，就代表剛剛好。