{ SKIP }
文:MenClub 魏文青  
POSTED ON 30 Oct 2017
日本寫真女星今野杏南喺今年7月出埋最後一隻水著寫真DVD後就宣佈「寫真引退」,宣佈會專心於演戲事業。不過你又唔好以為冇機會再見到呢位「巨乳版石原里美」個心口——事實上你依家仲有機會見到佢嘅全裸演出添!可惜,佢唔係下海,而係喺改篇自寺山修司長篇小說《あゝ、荒野》嘅同名電影中有上身全裸演出!

《あゝ、荒野》由生田斗真以及韓國演員梁益準主演,講述2021年東京奧運後,兩位家庭破碎嘅青年於新宿透過拳擊而面向青春嘅故事,而今野杏南就飾演「西口惠子」一角,與梁益準有場上身全裸嘅床戲。憑有限畫面可以見到著住條毛巾嘅今野杏南作出主動幫男方除衫,更有「騎乘位」嘅演出,都不可謂不養眼。不過套戲嘅題材其實係打拳,床戲相信只係點綴,簡單啲黎講就即係你可以為咗呢「兩點」去睇套戲,但就應該唔使預備紙巾啦。

今年28歲嘅今野杏南由2011年出道,多年黎都係首屈一指嘅寫真女星,而且經常上綜藝節目,所以人氣相當高。一向形象性感嘅佢喺2014年推出第二本個人寫真時已經講過,唔介意於電影中全裸演出,今次都可以算係求仁得仁——唔知佢黎緊仲會唔會有更大尺度嘅演出呢?
希望佢唔會因為咁成為下一個拒簽受害者啦。
girls
震驚70億人 Bella Hadid上海不慎走光
22 Nov 2017
同大家介紹下今年嘅VS天使!
girls
曾經偷嘢? VS天使Roosmarijn de Kok!
21 Nov 2017