{ SKIP }
文:MenClub 魏文青  
POSTED ON 11 Jan 2017
雖然細個老師都有教,人要「忘記背後,努力面前,向著標桿直跑」,黎到2017年,我哋就好應該放眼將來,唔應該再回首2016。但有啲關於2016年嘅回顧,就真係要到2017年先有得睇!例如著名成人網站Pornhub每年年頭都會公佈上一年嘅整體使用數據,當中更加有唔少有趣嘅發現,咁2016年嘅數據又有咩咁特別呢?


首先講下整體數據,上年全年總共有超過230億人次到訪過Pornhub(每秒有729人),總共睇過接近920億條片,夾埋睇咗接近46億個小時(即係5246個世紀),產生咗3110個Petabytes(PB),即係31億GB嘅數據。又再一次證明成人產業先係推進科技發展嘅主要動力——唔係睇咗呢篇嘢你點識「PB」呢個單位呀?

以國家分類計算瀏覽量,20大國家中美國依然獨佔鰲頭,英國就緊隨其後,日本跳升七位去到第5,其餘排名都同上年大同小異。不過如果以國家人均瀏覽量黎計算,就有啲新奇事發生。因為除咗美國以每人睇221次繼續係第一,排第二嘅竟然係冰島,平均每人睇202次。換言之冰島雖然人少少,但鍾意上Pornhub睇AV嘅人就非常多,係咪因為冰島太悶呢?

至於全球熱門搜尋關鍵字方面,「女同性戀(Lesbian)」繼續排榜首,其次為「繼母(Step Mom)」、「火辣人妻(MILF)」、「少女(Teen)」、「異姓姊妹(Step Sister)」、「母親(Mom)」、「卡通(Cartoon)」、「變態(Hentai)」、「按摩(Massage)」同「日本(Japanese)」,都係外國成人影片中常見嘅元素,不過去到11~20位就有啲新嘅發現,例如第15位就有跳升28位嘅「Lesibian Scissoring (女同性戀剪式運動)」,其實就係某一種特定嘅體位黎。而「Blizzard」今年出嘅新網上遊戲「Overwatch」就更加一舉成為全球第11位,喺巴西同俄羅斯仲係全國第一!點解咁多Search?我唔直接答你,我用圖答你!


至於最受歡迎嘅成人女星方面,頭十名其實同上年冇咩大分別,只係排名上上落落咁。老牌女星Lisa Ann重上第一,上年第一嘅Kim Kardashian(順帶一提,佢唔係真係成人女星黎)跌落第三,第二位就有拍AV拍到比人追殺嘅Mia Khalifa。其他嘅就可以參閱上年嘅報導啦!


另外大家有睇新聞都知,中國商人近排就好興用成人影片黎宣傳VR產品。而根據Pornhub嘅數據,喺短短9個月內,已經有1800條支援VR技術嘅影片上咗線,吸引咗3800萬人次觀看,而中國、泰國同香港更加成為頭三名最多搜尋VR相關影片嘅地方!證明香港人(至少喺打J呢方面)真係走喺潮流尖端架!


而大家觀看成人影片嘅喜好同習慣,其實係會被社會上發生嘅其他事例如節日、體育比賽、劇集上映/完結等影響,Pornhub做咗個非常詳盡嘅調查,我就唔一一細數。唯一想講嘅就係「受惠」於特朗普當選美國總統,喺11月9日,即係美國總統大選之後一日,成個特朗普家族嘅搜尋量都大升,連「特朗普」本人都升咗874%!但最勁嘅就係佢同第二任妻子生嘅女、現職係歌手兼模特兒嘅Tiffany Trump,足足升咗25倍有突!睇一睇圖,又真係唔難明嘅。


除上以上呢啲,Pornhub網站仲有以國家分類嘅數據、以瀏覽平台(電話、平版定電腦)嘅分佈、平均逗留時間等等非常詳盡嘅數據,有興趣嘅不妨上佢哋嘅網站慢慢睇啦!
Pornhub
討論區有人大爆ig一大堆ptgf名單,全城瘋狂,人人自危,有人說搵食啫犯法呀,呢個世界有雞先定有雞蟲先,真係上帝都未必知,有供就有求,何況冇雞蟲又邊得嚟咁多雞? ...
girls
王貽興 -ptgf
28 May 2017
影片可以存檔備份,真人又如何?我曾經因為朋友上述提及的AV存檔論而構想過一個故事,那是關於人能否把另一半存檔,即是停留在某一個時期你最喜愛時候的她或他。 ...
girls
黃天頤-讓大腦備份戀愛的感覺
28 May 2017