{ SKIP }
文:MenClub William
POSTED ON 04 Sep 2017

新相識打完招呼,隨後加上一個「我做飲食嫁。」你就會諗究竟佢係廚師?侍應?餐廳老闆?食材供應商?代理商?正常你都會諗起呢幾種職業,不過原來美食界好多工種,同你平時飲飲食食總有關係,但你永遠唔會知道有佢存在,不妨當聽下故仔咁知下。


松露科學家?

收集黑松露嘅方法,正常都要搵豬同狗幫手先搵到,但英國就有Dr. Paul Thomas博士,喺英國種植咗第一批人工培植嘅黑松露,世人大開眼界。Thomas博士自小都已經係個菇菌專家,一直都致力研究當中科學,到依家就去咗美國培植黑松露嘅計劃。


木師兼桶匠?

我地MenClub之前都有介紹過,喺賣到貴一貴嘅威士忌背後,有一個好重要嘅職業,佢地就叫桶匠(www.menclub.hk/9642)。各大牌子嘅威士忌酒商,都會僱用自家桶匠,不過呢位人稱"Master of Wood",Macallan嘅Stuart MacPherson,佢唔單止係一個桶匠製作同修補威士忌桶,帶領成個桶匠培訓計劃,仲要為品牌尋找最適合嘅木材,保証橡木桶嘅出品。




調飲師?

起樓要建築師,我飲杯嘢都要?介紹返呢個Mary Sherry ,職業係Beverage Architect ,喺大學讀完 chemistry ,就投身一間相當有趣嘅公司叫Flavorman,專門為飲品公司嘅出品試味,根據客戶嘅要求,好似酒味重D,咖啡味重D,調配唔同嘅飲品,相信外國唔少品牌嘅出品,都有用佢嘅服務。


飛機餐供應商?

經濟艙嘅飛機餐有幾難食,大家實明,好多航空公司深知呢個問題,就拜托Peter DeVito呢位人兄。佢成立咗一間名為121 Group嘅公司,專門受客戶訂單研究同製作飛機餐。當然佢本身都係一個飛行常客,無計啦,佢自己都有一架私人飛機姐,佢嘅客戶大多數都歐洲、中東地區為主,唔怪知我地嘅飛機餐仲係咁難食啦....





今次包攬嘅Brunch,一個價錢任食意粉、一個折頭食酒店級Brunch,或者一份豪氣勁飲法國香檳Ruinart !
gourmet
【香檳、魚子醬、任食意粉】三間週末食好Brunch
22 Sep 2017
做男人識得飲咖啡真係好緊要,比我揀就揀佢啦!
gourmet
【男人最緊要識飲】TARZA 全新推出掛耳咖啡
22 Sep 2017