【新年食雞飯】超絕讚日本雞肉丼

POSTED ON 06 Jan 2017

琴日見到蒼井空老師都換咗件雞裝，我先醒起今年係雞年。一提起雞就想食，即使無食到老麥雞都唔可惜，要食就梗係要食好西，食個豐富十倍嘅雞飯啦。我有朋友成日話叫過雞煲先係friend，我話食個呢個雞飯先算呀！

呢間日本丼飯店之前聯同富士電視台同東京巨蛋，引入咗當地美食競賽「日本丼物選手權」當中嘅四款丼物，之前推過「名物海膽丼」及「九兵衛三文魚親子丼」。今次第三回就出咗個九州大分縣「豊ご屋」嘅「大分雞肉天婦羅丼」。

大分雞肉天婦羅丼 $78 個丼飯有咩特別？首先呢道菜係大分縣家傳戶曉嘅家庭料理，雞肉味付飯再鋪上雞肉天婦羅，前者係個雞湯有味飯，伴以爽口嘅雞肉絲同牛蒡，增加口感。飯面仲放上一份雞肉天婦羅，先用醃料醃足一日一夜，金黃色嘅外皮夠脆身，食落多汁，同樣夠味，怕熱氣仲可以以椰菜絲同柚子醋啫喱醬同吃，炸物同丼飯都食得開胃。

丼丼屋（供應至2017年2月21日） https://www.facebook.com/DONDONYAHK