{ SKIP }
文:MenClub Mr.波特  圖:互聯網
POSTED ON 11 Aug 2017


BIG3三人籃球聯賽相信唔少籃球迷都應該已經聽過,呢個聯賽係今年夏天先正式成立舉行,其中唔少已退役嘅前NBA明星球員都有參加,其中包括76人「戰神」Allen Iverson、「白朱古力」Jason Williams、Chauncey Billups、Mike Bibby等等,由於呢班都係曾經擁有極高人氣嘅前NBA球星,所以賽事成功吸引唔少球迷入場觀看,反應相當唔錯。



不過,賽事始終係首年舉行,所以管理都未見成熟,就好似首個比賽日Jason Williams便受傷報銷,而最近Iverson又疑似因賭博缺席BIG3嘅比賽,令賽事無論形象、精彩程度都向壞嘅方向走。


為到令BIG3聯賽可以令更多人關注同吸引更多人入場觀看,大會一定務求尋找更多前巨星加盟,以近年岩岩退役嘅球星黎講,邊個嘅號召力最強?相信一定非前湖人傳奇Kobe Bryant莫屬。Kobe去年4月宣佈退役,結束自己喺NBA 20年嘅球員生涯,呢位傳奇曾5次助湖人奪得總冠軍,其中包括1次三連冠以及1次二連冠,同時亦都係NBA歷史總得分排名第三嘅球員,可以話佢係「籃球之神」Michael Jordan之後最偉大嘅球員,其球迷遍佈世界各地,人數亦以億計。


如果BIG真係能夠獲得Kobe嘅加盟,相信入場人數以及受歡迎程度必定大增,要知道宜家仍然有唔少球迷希望可以再睇到Kobe比賽嘅英姿。不過,目前Kobe並無重返球場嘅想法,如今嘅佢眼裡只有家庭,只想陪多啲家人,特別係佢嘅女兒。正因為咁,網上先現Kobe大肚腩嘅相片。


而撇除Kobe唔講,今年夏天亦正式退役嘅塞爾特人傳奇「真理」Paul Pierce已表示有意參加BIG3聯賽,而呢位鐵血球星亦有唔少球迷,相信勢必會令BIG3嘅吸引性增加。除此之外,PP更直言有意邀請Kobe同前隊友Kevin Garnett一齊組隊參加,如果呢3位傳奇真係可以組隊比賽,我諗隨時部份NBA比賽都唔唔夠佢地吸引啦!


可愛!我想講嘅係可愛!
hobby
妹妹就是可口 FOTS JAPAN 1:8 結城美柑
21 Oct 2017
47歲嘅折茂武彥仍然征戰緊日本最高級別籃球聯賽JBL,真係無野可以阻到佢繼續比賽!
hobby
【老將不死】籃球版三浦知良 - 47歲折茂武彥
20 Oct 2017