{ SKIP }
文:MenClub 波特先生  圖:互聯網
POSTED ON 06 Dec 2017

尋晚歐聯分組賽最後一場賽事,曼聯以2:1擊敗莫斯科中央陸軍,正式確認小組首名出線。而喺比賽入面,法國中場普巴展現自己超強的控球技術,以一敵三成功突破,精彩鏡頭絕對值得球迷一睇再睇!

面對莫斯科中央陸軍,為左確保球隊能夠以首名出線,領隊摩連奴只能以強陣出擊,雖然佢地先失一球,但係憑住盧卡古同拉舒福特嘅入球,最終紅魔鬼有驚無險收下勝利。
而喺呢場比賽入面,普巴可以話發揮非常出色,佢除左以一記妙傳助攻盧卡古攻入扳平嘅一球之外,仲有一個時刻完全展現佢超強嘅個人技術。當時喺下半場嘅尾段時間,普巴喺中場邊線附近控球,三名中央陸軍嘅球員一擁而上希望可以截下佢嘅腳下球,只見呢位法國中場先利用身位頂住兩名防守球員,然後再以後腳使出Skill move成功突破面前嘅夾擊,更誇張嘅係當普巴成功突破之後,佢第一時間就交出一記直線傳球給最前方嘅隊友,可以見到佢嘅視野及反應究竟有幾快!

對於普巴呢次過人,一眾曼聯球迷都被迷到,甚至認為呢個世界上無第二位中場球員可以做得到。雖然球迷嘅留言有啲誇張,但好似普巴咁同時兼具速度、技術及創話力嘅中場中球員現時黎講真係少之又少。
唔知今次普巴呢一招Skill move,有無FIFA大神可以重現一下呢?
咁樣踢人真係有排停賽!
hobby
【惱羞成怒】搶唔到波竟然咁樣踢人!
20 Feb 2018
本身5x5已經好難揀,宜家仲要少左人,點揀呀?
hobby
【東京奧運】美國隊最強3x3陣容你點揀?!
19 Feb 2018