{ SKIP }
文:MenClub 魏文青  
POSTED ON 06 Dec 2017

隨住社交網絡慢慢成為大家主要嘅「社交生活」,你有冇發現自己接收到嘅資訊越黎越單一?其實一切都同社交網絡嘅設定有關。或者係怕大家經常見到啲唔鍾意嘅人或者意見,篤眼篤鼻之後就連網都唔上,所以各大社交網絡或多或少都會因應你嘅喜好而推送資訊。即係你睇開Like開性感Model,Facebook自然就會搵更多類似嘅內容過你。

咁樣係就係睇得開心,但久而久之就會形成所謂嘅「回音壁(Echo Bubble)」,即係你只能接收單一意見嘅資訊,產生「所有人都好似我咁諗」嘅錯覺,亦喪失「真理越辯越明」嘅機會。所以依家有人專登出個APP黎幫你打爆「回音壁」!

「Burst the Bubble」由三名就讀紐卡素大學嘅學生推出,簡而言之就係一個專門搵啲同你持相反意見嘅人「嗌交」嘅地方。用家需要先設定一個想討論嘅題目,以及自己嘅立場,然後系統就會自己搵一個同你持相反意見嘅人黎用文字「隻揪」。目的當然唔係為咗要嗌交,亦唔係為咗要說服人/被逆服,而係希望透過接觸相反意見嘅人,令雙方有更深了解,亦令你對事情嘅睇法更加立體。
不過都可以想像一定會有人嗌到面紅耳熱,為免「戰火」由虛擬世界漫延至現實生活,APP內只會顯示你嘅姓,你亦可以更改個人頭像。只限一對一嘅對話亦某程度上避免「人多蝦人少」嘅情況。不過我估真係要好得閒嘅人,先會有咁好心機上網「搵交嗌」囉。
Burst the Bubble
聖誕節仲有唔夠十日就到,大家應該都已經收到唔同朋友圈嘅「聖誕交換禮物玩法及條件」,亦即係代表大家要又逼又煩地出街去搵啲唔太貴,但又唔太「行」嘅聖誕禮物返黎。如果你未諗到買咩,我以下就有個好介紹! ...
hobby
聖誕送禮自用必備 「港產映画」金色節日版登場!
16 Dec 2017
繼兩年前自製咗個識擰識轉識着燈嘅「雷神」形藍芽喇叭之後,香港《高智能方程式》Fans Philip終於又有新作啦,就係OVA《SIN》篇中由加賀駕駛嘅凰呀上嘅「Ogre System」! ...
hobby
最後的加速 港人自製凰呀「Ogre System」
15 Dec 2017