{ SKIP }
文:MenClub 魏文青  
POSTED ON 29 Dec 2016
時間過得真係快,咁又黎到年尾,人生又過多一年。正如柴九話齋,「人生有幾多個十年!?」如果講緊嘅係五十年,我相信大部份人人生都係得一個咁大把,而永井豪老師就將人生嘅五十年都貢獻咗畀漫畫。2017年佢就迎黎出道五十週年,循例上都要搞返啲嘢黎紀念,咁五十週年又係金禧喎,就不如出啲「金」嘅啦!但金又好似「娘」喎,咁我哋就出「白金」啦!


以上劇情當然純粹老作,但事實上為咗慶祝出道50週年同《鐵甲萬能俠》45週年,永井豪老師嘅Dynamic Productions就真係會同日本工藝廠「KOUGEI」合作,推出全球唯一一隻用鉑(Pt900)——注意,係純鉑——製作嘅鐵金剛。高12cm,重850g,造形方面係使出鐵甲飛拳嘅準備動作。由於比較多連接位,所以工職人們用咗幾個月先整到一隻出黎。隨鐵金剛附送又硬又防潮嘅桐木展示盒,總之就係好高級啦!


一見到又「白金」又「高級」呢啲字,你都知道個價錢唔會平,而呢隻白金鐵甲剛嘅售價係…1400萬Yen(未連稅),就算依家日圓低水,都要接近93萬港紙!相信大家有錢都唔會買!放心,佢哋好有心,仲整咗50隻一樣造形,但係細隻啲(得5cm高)嘅白金鐵金剛出黎。


細隻版只需201.7萬Yen,即係13萬港紙到咋嘛!抵買啦!大細都係2017年1月1日喺西武池袋嘅KOUKEI店開始發售!
KOUKEI




冇電嗰陣吹吹佢會唔會有返電呢?
hobby
吹一吹先用得? 紅白機盒帶行動電源
29 Mar 2017
呢架嘢靚就靚,但你真係唔會用佢黎代步——尤其當你知道呢架嘢值35000美金,即係27萬幾港紙,你仲邊敢泊喺街呀?
hobby
底特律出產 手製復古單車
29 Mar 2017