【啪啪聲嘅Lookbook！】紐約品牌Eckhaus Latta挑戰禁忌

文：MenClub Kay Pang 圖：互聯網
POSTED ON 03 Apr 2017

好多年前有個日本綜藝節目，入面訪問一個外國人點睇日本AV同美國Porn Movie嘅分別（訪問地點仲要喺銅鑼灣），果種繪形繪聲嘅演繹，至今仲存在我深深嘅腦海裡。其實時裝亦一樣，美國有唔少品牌同設計師都會喺廣告入面加入色情或情色元素，例如Tom Ford同American Apparel都係當中嘅佼佼者，但最近就有另一個牌子比上述兩個玩得更盡、更激，簡直就係震撼大家對於時裝攝影嘅既定印象！

紐約設計師組合Zoe Latta同Mike Eckhaus創辦嘅Eckhaus Latta，最近就突突發奇想，找嚟韓國情色攝影師Heji Shin，以性愛作為品牌最新一季嘅Lookbook造型照主題，將情侶「啪啪啪」嘅畫面捕捉落嚟。造型照曝光一出當然引嚟大眾嘅嘩然，因為入面除咗異性戀，仲有幾對男、女同志，對於比較保守嘅國家絕對係一個禁忌，但其實呢家都2017年啦，如果設計師唔係為咗Make Noise而Make Noise，其實咁樣曲線宣揚同性戀平等，都係一個唔錯嘅做法！