{ SKIP }
文:士昆素  
POSTED ON 19 May 2017
早前有人公開系列相片,展示佢用航拍機記錄Apple新總部嘅建造過程,其實總部外觀相信大家都睇過,但入面又係點呢?今次就同大家去參觀下。

由上個月開始陸續有員工搬入Apple Park,最近外國網站《Wired》就入去參觀,披露呢艘「Apple Mothership」嘅神秘一面。Apple Park位於美國加州庫帕提諾,係已故教主Steve Jobs嘅遺作,總部以環保為設計為主,總部屋頂放滿太陽能板提供再生能源,而且為貫徹環保同融入大自然嘅理念,總部大樓冇冷氣冇風扇(當然同Steve Jobs唔鍾意開教同風扇有關啦),當遇到極端天氣時,總部先會利用地下水管發熱同變冷嚟調溫度,而且大樓環型設計有利於空氣流通,所以唔使開窗都都keep到20-25度最舒服嘅室溫。為加強Apple Park嘅綠化工程,Apple特別請到植樹師David Muffly負責種9000棵樹,將來會放喺園內唔同地方,真係變成公園一樣!

造價估計超過50億美元嘅Apple Park佔地280萬平方呎,單係員工健身中心已經有10萬呎,一日真係未必夠參觀。今次有得率先參觀仍然有好多地方未完工,所以未能夠睇晒,但報導講Apple Park已經好有睇頭!好似環型嘅總部就用咗防震設計,成幢可以向任何方向移動4.5呎,以減低地震帶來嘅影響,安全得來亦唔會影響建築物內嘅運作。至於總部嘅超巨型玻璃門亦大有來頭,由德國玻璃製作公司Seele負責(唔係EVA嗰班人),玻璃門高達85呎,足足有4層棲咁高,而且一隻已經重達44萬磅!

總部室內以木同金屬建造出線條感強嘅簡約空間,而且燈光柔和,每張辦公枱更有掣可以調節高度,睇落仲有幾分似Apple TV Remote添。魔鬼細節係Apple最吸引人,亦係最花時間事間嘅一環,總部嘅門柄、燈槽都慢工出細貨,當係整iPhone咁一絲不苟,佢哋甚至就連Pizza盒都有專利,特登開窿疏氣方便保持Pizza脆口,等員工食得開開心心,真係好細心,我覺得將來有得開放參觀時,一定有會有fans拎佢做手信!


2017年已在倒數階段,不久便踏入聖誕節,在這溫馨佳節,仍對買甚麼禮物感到頭痛的話,不妨從一些傳統又具個性的飾物着手。好像風行全球的國際珠寶品牌PANDORA,它高貴而女性化的飾品系列,一直深受女士們歡迎。例如P ...
style
【別具心意的聖誕禮物】PANDORA 聖誕優惠Gift Set系列
14 Dec 2017
不論工作定娛樂,唔少人都會用到咖啡店、快餐店等地嘅免費公眾Wi-Fi;但竟然有不法份子覬覦安全漏洞,駭入阿根延Starbucks嘅Wi-Fi,植入惡意程式嚟幫自己挖虛擬貨幣門羅幣(Monero),無本生利。 ... ...
tech
Starbucks被駭 上Wi-Fi變相幫黑客挖礦
14 Dec 2017
號稱「歷來最強勁的Mac」嘅iMac Pro,今日終於正式開售,雖然香港官網寫就寫12月14日起發售,不過實際上都唔係凌晨就上架,而係要等到美國時間14號先會更新價錢。官方公布美元售價為4,999,折合港元約$39,000,一分 ...
tech
最強Mac機今日登場 iMac Pro設計靚價錢仲靚?
14 Dec 2017