{ SKIP }
文:MenClub 魏文青  
POSTED ON 03 Jun 2018
雖然日本出產大量AV、H漫,隨便一間便利店都搵到成人雜誌,睇落社會風氣好開放,但對於平常情侶,其實喺公眾地方有身體接觸都相當避忌,所以某個角度睇佢哋又好保守。不過保守還保守,佢哋情到濃時都係會錫錫。近日有網站就收集咗日本47個都道府縣近2350名女性嘅初吻年齡,發現唔同地方都差好遠架!
最年輕就初吻嘅女性不出所料來自東京,平均只有16.3歲。話哂都係國際大城市,人口密集之餘文化亦比較開放,少女們早熟啲係好合理嘅。而除咗東京之外,有28個都道府縣嘅平均初吻年齡低於18歲,其中緊隨東京之後嘅係出名靚女多嘅秋田縣,但秋田相比起東京都真係可以話係鄉下地方啦。
至於最「高齡」嘅都地方就係愛知縣及奈良市,少女們平均要等到19.1歲先會第一次接吻。奈良作為傳統古城,市民比較傳統係合理;而愛知縣中係有名古屋呢個大城市,理應係唔會咁保守,不過名古屋一向被視為高尚地區,女生多數出於富貴之家,自然比較小心揀擇。
三上悠亞就係愛知縣出身
整體黎講,日本女性嘅初吻年齡都相當合理,東京16.3歲其實都唔係想像中咁「幼齒」。唔知如果香港又做返個同樣嘅調查,結果又會係點呢?
Tabizine
為咗關懷小丁丁的你,英國公司They Fit近日推出咗「全球最細小condom」!
thezone
關懷小丁丁的你!7.8cm全球最細小condom
16 Aug 2018
原來佢身材都好好架!
thezone
迪麗熱巴旅遊節目泳衣亮相 唔露肉一樣吸引
15 Aug 2018