{ SKIP }
文:MenClub 魏文青  
POSTED ON 05 Aug 2017
當Model會走入書展同你簽書握手、當港姐會喺電視講露骨笑話,呢類「電視上的美女」就唔再充滿距離感同神秘感(嗱事先聲明,我覺得係好事黎架)。不過其實仲有一類「電視美女」,到依家仲係處於一個相對封閉嘅環境,就係要維護專業形象嘅新聞主播!加上佢哋又靚又端莊,於是有咩花邊新聞都會好引起大家注意。


例如今年28歲嘅台灣東森新聞女主播蔡尚華近日就捲入一單緋聞之中,而緋聞對象就係台灣宏仁集團總裁、現年66歲嘅王文洋。原來就有週刊影到佢喺日前同王文洋結伴出席飯局,而且狀甚親暱,加上王文洋日前宣佈與拍拖22年嘅女友分手「回復單身」,於是台灣傳媒就推測蔡尚華係佢嘅新女友。不過蔡尚華就喺自己嘅Facebook回應指王文洋只係佢尊重嘅長輩,該次飯局亦只係「非常正式的媒體餐聚」,而且據報佢仲有圈外男友,感情好穩定咁喎。


蔡尚華唔單係高貴嘅主播,仲係台灣國立政治大學法律、經濟雙學士,目前喺台灣大學讀緊商學研究所,加上都真係一個「嫁入豪門相」。不過「女主播嫁入豪門」就太過現實啦,我就希望佢可以同依家個男友長長久久——前題係佢依家個男友唔係有錢人囉。
蔡尚樺 on Facebook


其實夏天乃係我哋男人一年最幸福嘅日子,出街又有短褲背心美女、去沙灘又有泳衣少女,就算你唔諗住出街,都有靚女可以睇!
girls
夏天很美好 色氣中國Coser「夏美醬」
22 Aug 2017
「我們的功夫再棒 也敵不過洋槍」!
girls
看到拳頭都硬了 被外國主廚抽水的台大美女Coco
21 Aug 2017