{ SKIP }
文:MenClub William 圖:MenClub
POSTED ON 08 May 2017

嗱嗱嗱,首先要問你一個問題:你有幾何返屋企食飯?自己問心唔使答出嚟。好啦,當你難得返到屋企食飯,一開門就見到阿媽成枱餸等你開飯。即係咁,臨近母親節,仲要阿媽煮多餐?我地MenClub個個都愛錫自己老母,閒時帶老媽子出街食好西,為咗令你地一個二個都可盡下孝道,我地決定做個「MenClub母親節餐廳推介」,睇完嗱嗱聲訂位啦!


依家後生一輩,有幾可聽過「冰肉」、「金錢雞」、「鴨腳包」等等屬於懷舊粵菜嘅菜式?經典嘅懷舊粵菜著重心機手功,大多菜式都需要大量時間準備,耗時講究,加上坊間認為懷舊菜「利錢少」,所以在粵菜館中已漸成絕響。

來自米芝蓮三星級食府的行政總廚陳偉庭,希望用現代可用嘅食材重現老香港嘅傳統名菜,他表示:「充滿古早特色的食材如豬肺、鴨腳及魚腸,配以老派風味的豬油及陳皮,今日已經買少見少,但種種食材炮製出嘅傳統菜式,都極有舊香港特色,很適合在母親節和媽媽大吃一餐。」




而喺荔枝角大公館嘅粵菜廳萬慶軒,啱啱就推出咗「香港老情懷」懷舊主題菜單,重現多款經典嘅懷舊粵菜,好似「蜜汁金錢雞」、「脆皮糯米雞」、「鴨腳包」、「酥炸金錢蟹盒」等等數款菜式,當然仲有幾款懷舊點心,呢幾款「豬肚雞蒸燒賣」丶「雞窩」、「瑤柱馬蹄莧菜餃」近年出現率極少,款款均屬老派風味,媽媽一定啱食。菜館仲會係母親節週末(五月十三及十四日)推出溫馨母親節美食菜單,讓這個特別節日倍添溫韾的懷舊氣息。


杏汁燉白肺湯 (四至六位用)$388

眾所週知,處理杏汁燉白肺湯的手工極多,將南北杏、龍皇杏加水攪拌,之後用湯袋隔渣擠出杏汁,反覆兩次,使其杏汁更幼滑。而要把豬肺洗變白,先把豬肺啤水,重覆按壓讓肺裏的血水,這步驟甚花時間。洗好然後白鑊炒豬肺,再加入自製薑酒,讓豬肺出水及除去腥味及騷味,重覆這過程兩次後,再汆水洗乾淨,然後加上瘦肉、雞腳及菜膽一起燉,最後上菜前才把杏汁與湯一起煲十多分鐘,飲得!你話你點喺屋企整到?白湯滑溜濃郁,杏香滿溢,兼具補虛止

咳的功用。


酥炸金錢蟹盒 $248

冰肉,即用酒及白糖醃製過的肥豬肉,刨成薄片,入口完全唔肥,再將兩片冰肉夾上蝦粒、馬蹄、菇粒、中芹、蟹肉及豬肉,沾上蛋白漿,然後落到油鍋裡炸透身。蟹盒外脆內軟,酥而不膩,香口之選,放入咀巴中,你就知道你吃的是手工了。


脆皮糯米雞 $528

選用肥美的三黃雞,先將去骨剩雞殼,再釀入糯米、臘腸、膶腸、馬蹄、蝦米及中芹炒成糯米飯,風乾後再燒30分鐘,最後便將熱油重複淋滿整個雞身大概2-3分鍾,達至脆皮的效果。外皮極脆,糯米香未食都聞到,好「米氣」嘅媽媽尤其喜歡,不過媽媽腸胃唔好,食一碗就夠啦。

特式香酥鴨 $198

選用3斤重米鴨仔,起骨後將米鴨仔放進特調滷水汁中滷煮,最後上漿脆炸。吃時先將北京餅包捲著皮青瓜絲、芒果絲及京蔥跟烤鴨,伴以海鮮醬佐食。入口軟中帶脆,鴨肉皮脆肉酥,意想不到的幼嫩,完全是北京填鴨的變奏版。

懷舊鴨腳包 $ 48/個 媽媽話以前舊茶樓一定會有的金錢雞和鴨腳包,今時今日都好難食到。包住用玫瑰露醃過嘅雞肝、叉燒和燒鴨腳,再用黑豚腩肉薄片包住再燒,外皮裹著金絲糖膠,亮澤晶瑩,香味獨特,甜美誘人,難怪老媽子指定想重拾滋味。



大公館更有推出更兩款指定在母親節週末供應的套餐,溫馨母親節套餐 $3,388(另收加一服務費)(6位用),真摯母親節套餐$4,388(另收加一服務費)(6位用),各有特別新增設的菜式。

黃湯海味花膠羹 首先為媽媽奉上一碗補充骨膠原嘅靚湯,花膠重膠質的濃湯極順口。

金湯松露沙汁蝦球

紫薯玫瑰花包

媽媽最鍾意花,連個甜品都放到成朵花一樣,老媽子實冧。

大公館  萬慶軒

地址:荔枝角長義街9號D2 Place One 10樓A
電話:2743 8055
營業時間:12:00nn - 12:00mn(星期一至星期四及公眾假期);12:00nn - 1:00am(星期五及星期六)
網址:www.greaterchinaclub.com

即係咁,呢間本身喺大埔廣福邨街市嘅九米香,係大埔人都應該識。
gourmet
【醒少少免問候】旺角重開串咀「好難食牛肉麵」
22 May 2017
四手聯彈聽過,四手晚宴未聽過?咁你要試下啦!
gourmet
【法國 X 新加坡米芝蓮】聯乘名廚四手晚宴
22 May 2017