{ SKIP }
文:MenClub William
POSTED ON 10 May 2017
天氣開始熱,未到中午都成30度,捱到夜晚都叫涼少少,食都無胃口,唯有食下雪糕飲飲酒。海景嘉福洲際酒店的Tiffany’s紐約吧,最近就推出三款不同口味的威士忌雪糕,以不同產區的單一純麥威士忌製作,分別為來自日本的Akashi、蘇格蘭的Glenlivet Nadurra及Bunnahabhain Toiteach,每款都經過精心調配,不過留意返,女伴隊完3球應該會醉!


每款威士忌雪糕雖然都要成$58,不過你俾$150就可以一次過食勻!


「Green Fairy」就用日本Akashi威士忌配搭綠茶, Akashi日系威士忌口感較輕柔,帶有陣陣香甜的蘋果及蜂蜜香氣,入口混和麥芽的香味,酒味中散發出綠茶的輕微苦澀,透著酒和茶、甜和苦的愉快樂章。


我要酒精!咁你要揀「The Glen」,特別挑選來自蘇格蘭的威士忌Glenlivet Nadurra製作,酒精含量高達60%,雪糕內的威士忌酒精含量都有13%,絕對會「食得醉」,Glenlivet 有著濃香堅果香氣,所以特意在雪糕中加入開心果,配合堅果味道,過後有稍微薑味的辛辣餘韻。


「Helmsman」則用上出產自蘇格蘭艾拉島的Bunnahabhain威士忌,帶有濃厚煤炭的煙燻味

,加配58%的黑朱古力,可可的苦澀與威士忌的煙燻味尤其匹配,味道複雜而不失平衡。

Tiffany’s紐約吧

地址:九龍尖沙咀東部麼地道70號海景嘉福洲際酒店大堂

電話:2585 2545

營業時間:5:00pm - 3:00am



眼見台灣名店如Dazzling、咖啡弄一個個後輩都進佔香港,度小月終始終要來,新店坐落海港城,有古早味有海景view,不過就....
gourmet
【嚟得太遲】台南名店度小月擔仔麵
23 Jun 2017
最近上海就出現咗外國科創公司嘅自動駕駛流動7仔車,呢個concept,呢個環境,只能夠講太大勇氣。真心想問雖然有自動駕駛,咁撞到撞車黨會點?
gourmet
【我見到勇氣】上海無人自駕流動商店
23 Jun 2017