{ SKIP }
文:MenClub William
POSTED ON 15 May 2017
你大佬我鍾意食沾麵,時不時都會自動搜尋香港各大沾麵店,無敵嘅俺之沾麵、大家話唔好食嘅大勝軒、或者銅鑼灣啱啱新開嘅風雲丸,均屬我名單中嘅要一訪嘅沾麵名家。不過當你食緊沾麵嘅時間,你一定要認識一個人,無佢無沾麵!



介紹返,山岸一雄先生,人稱「沾麵之父」,喺1954年發明沾麵,創造了將拉麵麵條同熱湯分開上桌的吃法,有說山岸一雄喺踏進拉麵之前是蕎麥麵師傅,據說當佢煮麵俾自己食,就將拉麵煮成蕎麥涼麵嘅樣式:用一個碗裝涼麵,另一個碗裝味道加重嘅沾醬湯,最後這道料理放上菜單,沾麵就此誕生,1961年6月6月,山岸就喺東池袋開大勝軒本店,開創拉麵嘅盛世。


1986年,山岸妻子病逝後,獨自打理店面也讓他健康每況愈下,多年來煮麵,導致他手指彎曲,得了骨關節炎,但山岸先生仍堅持回到最愛的拉麵崗位。到前年,2015年嘅4月1日山岸一雄因心臟衰竭喺東京的醫院病逝,享年80歲。


《拉麵之神》DVD就記錄咗佢嘅傳奇一生。


之前寫紅磡大勝軒嘅時候,都有讀者識嘢,知道山岸一雄係一個大愛嘅人,從不藏私獨門秘方,傾囊相授,也大方收弟子,桃李滿門,徒弟就超過百人。學有小成、中成、大成嘅徒弟,就自立門戶去開拉麵店,加上大勝軒個名佢無申請到專利,結果中伏者眾,早幾年都有個徒弟黎過香港開鋪,當年拉麵Champion嘅質素的確不如人意。


是咁的,所以唔好以為分到鹹定甜就識食,有時候要了解一下食物嘅源流,咁先可以Be a Better Man 嘅!



呢期最紅嘅東京米芝蓮拉麵店,究竟一碗拉麵有幾好食?
gourmet
【東京米芝蓮一星拉麵店】Tsuta蔦拉麵摘星之謎
24 May 2017
下個星期就係端午節啦,大家係咁易都要食隻糭應下節,有幸我家中老媽子非常識包糭,無我咁好彩?咪出去買囉~
gourmet
【應下節都要】酒店級端午糭推介
24 May 2017