{ SKIP }
文:MenClub William
POSTED ON 18 May 2017
即係咁,如果閣下稍為有D年紀,都應該認識Dan Ryan’s呢個牌頭,非常美國old school嘅經典美式餐廳,食嘅係碟碟大件頭嘅,加上Ruby Tuesday 同 Outback,應該就係我讀書時期對美國餐廳嘅初期印象。上年4月喺金鐘嘅分店光榮結業,一年後,Dan Ryan’s就喺太古城開返分店,形象仲稍稍變得年輕咗,仲加入咗新菜式,港島人想食都唔使過海啦係咪?



新舖新裝潢,入到去唔會再見到陰陰沉沉,無乜生氣嘅老舊feel,成個環境都光猛咗好多,不過都有保留原創設計中的部分經典元素,水牛頭裝飾、真係郁嘅古典模型火車、出自Leroy Neiman及Steve Penley等知名美國藝術家之手嘅作品。新店仲有同餐廳本店原址相似嘅卡座式座位,卡版高度降低咗,更開揚,簡單一句,感覺後生咗!


超營沙律

作為新一代Dan Ryan’s,食物餐單都有更新,美式餐廳都要講健康,加入呢個好健康嘅沙律,用料包括菠菜、藜麥、火箭菜、牛油果、西蘭花、啤梨、新鮮藍莓及令口感更香脆的香烤松子,再配以自家製野莓沙律醬。


皇牌辣肉醬漢堡

最經典嘅美式漢堡,漢堡扒自家用3瘦肉:1肥肉比例製作,招牌辣肉醬配熟成車打芝士、洋蔥及墨西哥辣椒片,真心好食。

Chi Town Combo 芝加哥拼盤
招牌拼盤以三款最具人氣的頭盤,包括焗薯皮、炸洋蔥圈及水牛城雞翼。焗薯皮以炸洋蔥圈均炸得恰到好處,而水牛城雞翼亦能保持肉質鮮嫩多汁,又屬一個分享專用盤。


頂級斧頭牛扒
「舊鋪最受喜愛的菜式」之一,sharing is beautiful。


香煎北海道帶子

香港店新菜式,北海道巨型帶子刷上味噌煎烤,配烤蘆筍、舞茸菇及薯蓉,係咪估唔到美式餐廳有個咁日式嘅菜式?

招牌甜品拼盤
一系列人氣經典美式甜品,每天在餐廳百分百新鮮製造。蘋果批、紐約芝士蛋糕、甘筍蛋糕、自家製抹茶松露朱古力及香濃布朗尼。

Dan Ryan’s Chicago Grill
地址:香港太古城道18號太古城中心1期3樓311號舖
電話:2845 4600



眼見台灣名店如Dazzling、咖啡弄一個個後輩都進佔香港,度小月終始終要來,新店坐落海港城,有古早味有海景view,不過就....
gourmet
【嚟得太遲】台南名店度小月擔仔麵
23 Jun 2017
最近上海就出現咗外國科創公司嘅自動駕駛流動7仔車,呢個concept,呢個環境,只能夠講太大勇氣。真心想問雖然有自動駕駛,咁撞到撞車黨會點?
gourmet
【我見到勇氣】上海無人自駕流動商店
23 Jun 2017