【極癲喪Cup O’ Beer 】美國酒廠竟然用「杯麵」釀啤酒？

文：MenClub William
POSTED ON 05 Jul 2017

未到四月一日愚人節，我唔係講笑，真係有人將杯麵拎去釀酒，痴線程度同整熱啤酒倒落杯麵差唔多，究竟呢樣陪伴唔少男士消夜嘅恩物，變咗啤酒會喺咩味？
美國德州就有啤酒廠The Collective Brewing Project，就用咗55磅嘅杯麵個麵去釀製啤酒，仲命名為「Cup O’ Beer」，真心夠gimmick，不過你係咪會覺得裡面有杯麵味？

留意返呢隻啤酒係Gose，屬於德國北部萊比錫地區（Leipzig，睇開德甲嘅我提紅牛應該有印象）有嘅酸啤，咁個味道係點嫁呢？根據青檸皮、薑、芫荽、香茅同些微海鹽味，當中唔少都係Gose酸啤嘅傳統特性，記住，係唔會有杯麵味嘅。雖然定價稍稍貴，$7美金一支，但當然一出街就俾人買Q晒。


雖然支啤酒無杯麵味，不過據啤酒評分apps "untappd"黎講，都有俾3.82嘅rating，算中上嫁啦。