{ SKIP }
文:MenClub William
POSTED ON 12 Jul 2017
一個美國人在日本開拉麵店,聽起來像會失敗收場,開張第一日就遇上日本拉麵資料庫主席大崎裕史先生,一炮而紅,自此,全日本的拉麵客都來到他的店,那個美國人的名字叫做Ivan Orkin,不過在他的店食拉麵,最好就專心一點,要不然他會叫你「Go Fuck yourself!」。



無錯又係《Chef’s Table》,今次想介紹下呢一集講嘅主角Ivan Orkin,不過我最初認識艾文拉麵,就喺David Chang本美食雜誌《Lucky Peach》裡面。Ivan Orkin,美國白人,出身紐約猶太社區,自細就好鍾意日本文化,80年代畢業後就過日本教書教英文,先後有2位日本妻子,特別鍾情拉麵,同佢一齊研究,注定佢同日本結下不解之緣。


佢嘅故事相當勵志,有起有跌,過程唔詳述。2007年開店,佢唔揀喺東京六本木,最多外國人旅居嘅地方,揀喺東京西邊鄉郊「芦花公園」(Rokkakoen),小店仲只有10個位,因為佢想嘅係做地道嘅拉麵店。


佢嘅拉麵無論喺湯頭、麵條或掌控拉麵味道嘅元醬(moto tare),都有強烈嘅個人風格,結合猶太出生、美國文化同日本拉麵嘅元素,同當時傳統拉麵好有分別,混合雞湯、雞油、菜湯嘅湯頭,帶出層次;自行研發嘅烤蕃茄,係日本人從未加入拉麵的新奇元素; 人家用現成拉麵,佢仲用20種麵粉開始試驗配比,自家製拉麵,加入猶太民族特色的黑麥。




齋睇都覺得好唔同,但你總會覺得日本人未必食唔慣,放心,因為開店第一日就遇上HIROSHI OSAKI 拉麵資料庫主席大崎裕史先生,得到一句評語: 「好食!」,自此掀起熱潮,之後更多次親身上電視節目,之後仲同日本第三大泡麵廠Sapporo Ichiban(札幌一番)合作推出艾文拉麵嘅招牌鹽味拉麵,仲要迅速係1個月內賣晒30萬包,紅極一時。


喺日本開咗近10年拉麵店的Ivan,用一碗全情投入嘅拉麵征服咗日本人。2015年,他將他在日本的拉麵店全數關店,把業務搬回紐約,重新開始佢嘅餐廳(因為佢講過佢唔係做拉麵店,只係佢餐廳賣拉麵姐),幸好原店的經理將之承繼,你仲可以去食到招牌鹽味拉麵。呢一集,真係好好睇。


http://www.ivanramen.com/
如果覺得海底撈太濃味,打「清」嘅火鍋可能啱你!
gourmet
海底撈之大敵? 黃記煌無水燜鍋
17 Nov 2017
唔好講笑,件PARKA 靚得嚟兼具功能,不過喺香港會熱死...
gourmet
美國網友大推! Pizza Hut 獨家外套 Pizza Parka
17 Nov 2017