{ SKIP }
文:MenClub Mr.波特  圖:互聯網
POSTED ON 12 Jul 2017


今日轉會市場轉黎一宗令人意外嘅消息,就係皇馬將後備中場占士洛迪古斯外租至德甲班霸拜仁慕尼黑,外借期為2年,每年租借費用為500萬歐元,2年後的買斷價則係3500萬歐元,合計4500萬歐元。作為今夏一直被傳可以賣至少5000萬歐元嘅球員,單係計最終可能得到嘅轉會費已經少左500萬歐元已經唔太合理,今次轉會竟然仲係以外借買斷形式進行,所以唔少人都認為皇馬今次絕對係做左一個「傻仔」嘅行為。



不過作為目前足球界最頂尖嘅球隊,皇馬真係會無衡量過利害而做呢個決定嗎?佢地真係會咁傻去做蝕本生意嗎?我諗呢個可能性係接近零。



確實,洛迪古斯今夏係絕對不乏買家,無論係黎自法甲嘅大巴黎、意甲嘅A米定國米又或英超嘅曼聯車路士都想簽得呢位哥倫比亞中場,而佢地嘅出價當然唔至4500萬歐元。不過,其後德甲巨人拜仁亦都出手,而係知道佢地出手以至落實交易距離嘅時間非常短,究竟拜仁當中施展左咩魔法令皇馬拒絕一眾豪門更好嘅報價,以低價外借呢位好球員比佢地呢?


首先,睇下拜仁同皇馬嘅關係你就可能略知一二,拜仁目前嘅領隊係安察洛堤,佢喺2013-15球季係皇馬嘅領隊,執教第一季就帶領皇馬奪得4項錦,其中包括歐聯冠軍、國王盃、歐洲超級盃以及世冠盃冠軍。不過,安師執教嘅第二季卻四大皆空,隨即佢就被皇馬辭退。對於一位功勳教練以咁嘅形式離開,當時唔少球迷都不滿皇馬嘅做法,而可能回想起呢段往事,皇馬決定彌補呢段過失,所以當安帥開聲話要洛迪古斯嘅時候,就黎一個順水人情,以修補往日呢段關係。


除左安帥嘅關係之外,皇馬喺2014年簽得嘅德國中場卻奧斯亦都可能係今次交易嘅考慮之一。點解?因為當年皇馬以2500萬-3000萬歐元就成功從拜仁身上簽得呢位中場,當時黎講基本上所有人都認為呢宗交易可以用「搶」黎形容。而睇番宜家卻奧斯嘅表現同埋重要性,佢已經成為皇馬嘅中場核心之一,佢長久嘅穩定性令皇馬中場一直保持頂級水平,近兩年能夠兩奪歐聯冠軍佢絕對係功臣之一。


綜合以上兩個原因,當拜仁要求得到皇馬一位未能踢上正選嘅球員,而球員本人亦希望離隊以獲取更多上陣機會下,皇馬決定以較優惠嘅價錢及方式讓給拜仁就變得好理所當然了。因住呢次轉會,皇馬同拜仁嘅關係將可以變得更好,未來有任何交易對雙方係有好處的。所以幾時都話,出外靠朋友,關係幾時都係咁重要。






近日,歐洲盃 3x3 籃球賽2017喺匈牙利舉行,其中U18女子組賽事,由擁有主場之利嘅匈牙利隊奪得冠軍,佢地整個比賽5戰全勝,平均每場可以拎到14分。而喺呢支冠軍隊入面,有一位球員成功走紅,佢就係只得16歲嘅Orsolya ...
hobby
匈牙利16歲籃球女王 - Orsolya Toth
20 Sep 2017
球鞋市場從來係各大運動品牌爭相搶奪嘅重要部份,因為球鞋係最受歡迎嘅運動用品,佢地因此都願意投放巨大資源去宣傳球鞋,就好似會搵各路球星做代言人等等。而喺眾多球鞋品牌入面,基本上龍頭只有三間公司,佢地分別 ...
hobby
【搶灘!】adidas趕超Jordan成北美排名第2運動鞋公司
20 Sep 2017