尋晚歐聯4強次回合，皇馬作客出戰馬體會，上仗主場3：0獲勝手握絕對優勢嘅「銀河艦隊」，基本上都沒有人質疑他們已經半隻腳踩入決賽，不過馬體會亦都唔係善男信女，佢地唔會輕易放棄殺入決賽嘅機會。

攻入一球之後，馬體會攻勢繼續，只係過左4分鐘，接應卡拉斯高傳送嘅費蘭度托利斯，在禁區內被對方球員踢跌，球證直指12碼。主射呢球12碼嘅係球隊核心基沙文，只見呢位7號仔左腳一射，拿華斯再一次只係拍到波皮，個波都係入網，2：3！呢個Moment，相信係馬體會全場氣勢最強嘅一刻，因為佢地只差1球就可以成功扳平啦。