{ SKIP }
文:MenClub 波特先生  圖:互聯網
POSTED ON 13 Nov 2017

今年夏天巴西射手尼馬以天價2.2億歐元由巴塞隆拿轉投巴黎聖日耳門,創下足球轉會費嘅歷史新高。尼馬出走巴塞,外界都認為佢係為左逃離美斯嘅陰影,希望可以自立門戶證明自己,並喺未來可以一爭世界足球先生等獎項。

加入聖日耳門初期,尼馬表現相當出色,完全展現出人們期待嘅統治力,助球隊以不敗戰績暫時排名聯賽榜首位置。不過,未知係咪因為個人強大嘅實力,再加上法甲同西甲質素上嘅差距,有傳尼馬覺得無乜挑戰性,個人動力不足,只有歐聯等賽事先可以令佢覺得有興趣,而佢對於領隊艾馬利亦有不滿嘅地方,同埋之前同老臣子隊友卡雲尼有過爭執,所以有理由相信尼馬應該唔會喺巴黎逗留好長時間。
得知尼馬喺聖日耳門唔太高興嘅消息,作為尼馬好友嘅皇馬左閘馬些路立即向皇馬報告,並推薦球隊可以考慮引入呢位巴西射手。要知道皇馬其實早早已經對尼馬有興趣,喺2006年嘅時候皇馬就差啲將呢位當時嘅山度士新星帶入皇馬青訓,但最終未能達成交易。之後皇馬亦都有機會將尼馬簽入,但最終佢選擇投奔巴塞。
如今皇馬有機會簽入呢位世界級球員,相信佢地絕對唔會放過,更何況今季嘅皇馬喺C朗陷入低潮期間表現下滑,皇馬主席佩雷斯絕對會想再次引入巨星以刺激球會。
作為皇馬隊長,沙治奧拉莫斯表示:「我希望同世界級球員做隊友,而尼馬明顯就係其中之一。而佢由聖日耳門加盟皇馬,要比佢喺巴塞加盟皇馬容易得多。足球世界你永遠唔知道結果會點,咩情況都有可能發生,我會永遠為佢打開大門,而我同佢嘅關係亦都相當不錯的。」
如果尼馬真係加盟皇馬,佢將可以成為球隊嘅未來核心,特別係當C朗開始走下坡,巴利又未能打出以往巔峰嘅表現,尼馬將可以為皇馬提供強力嘅邊路創造力及入球能力,加上佢對西甲非常熟悉,而當C朗慢慢退落黎嘅時候,佢就可以成為皇馬嘅頭牌球員。
不過最新嘅消息指,尼馬喺聖日耳門其實過得好好,最近嘅消息只係媒體造謠,甚至一度喺記者會上激動落淚,大家又點睇呢?
C朗可否不要老...
hobby
【真的老了?】C朗速度大不如前,難再爆破
22 Nov 2017
繼EVMAs之後再與Skylar Grey合作,仲送多首經典名曲《Stan》!
hobby
Eminem現場演譯新歌《Walk on Water》
22 Nov 2017