{ SKIP }
文:MenClub 魏文青  
POSTED ON 04 Jan 2017
9月嘅時候我哋就介紹過「NXEDGESTYLE」出嘅第一隻《EVA》Q版模形,就係以「屋島作戰」為主題、拎住碌陽電子炮嘅初號機。所謂有一必有二,啱啱NXEDGESTYLE就公佈咗呢個系列嘅第二彈,咁你又估下佢會出邊部機?


冇錯!就係同樣喺「屋島作戰」有份出現嘅零號機。喺「屋島作戰」之中初號機負責操作陽電子炮對付第五使徒,而零號機就手持由超音速客機改裝而成嘅巨盾負責防衛。喺雙方第一發都射失之後,由於要等陽電子炮冷卻,所以零號機要以盾及自身為初號機抵擋使徒嘅第二炮,爭取時間等初號機瞄準。

今次「NXEDGESTYLE」出嘅零號機亦有附送ESV巨盾,另外仲有連接電纜、步槍、交換用手部零件,以及「零號機.改」先有嘅肩部配件。



「NXEDGESTYLE」屬於「魂」旗下,所以「NXEDGESTYLE」使用咗「ROBOT魂」嘅技術,確保Q版得黎又不失可動性。事實上呢隻零號機亦都可以做到「追趕跑跳」等動作。另附六角形地台,同之前隻初號機拍埋一齊就可以重現「屋島作戰」啦!
Tamashii






「呂布」伊巴謙莫域可以話係近代最出色嘅前鋒之一,而佢喺歐洲曾效力多間豪門,其中包括祖雲達斯、國際米蘭、巴塞隆拿、AC米蘭、巴黎聖日耳門以及曼聯,而期間佢亦取得相當多嘅成就,特別喺聯賽冠軍。而由於伊巴以往 ...
hobby
【又愛又恨】「呂布」伊巴認為最出色的隊友竟是他?!
22 Aug 2017
買畀個仔佢仲唔溝哂成個幼稚園啲女?
hobby
讓兒子贏在起跑線 X-34陸行艇電動車
22 Aug 2017